ODEZURUIGBO JOURNAL

ASỊNILU ỤMỤ ANỤMANỤ NA NSIRIHỤ NDỊ IGBO: NZIPỤTA ỌWA ECHICHE HA NWERE N’USORO AMỤMAMỤ NCHEKE

2022-12-10T19:34:04+01:00

Ụmị edemede
Nchọcha a bụ ntụcha agwara na njirimara asịnilu ụmụ anụmanụ na nsirihụ ndị Igbo n’usoro
amụmamụ asụsụ ncheke. Amụmamụ asụsụ ncheke bụ amụmamụ na-elekwasị anya na nghọta.
Ọ na- achọ ịmata ka mmadụ si echedebe echiche. Asịnilu so na mbụrụ n’amụmamụ ncheke ma
bụrụ atụmatụ okwu na-adị n’ụdị okwu ozi nke a na-asị n’otu onye ma ọ bụ otu ihe kwuru otu
ihe ma ọ bụ ihe ọzọ. Ihe na-ekwu ihe ahụ nwere ike ịbụ ihe na-eku ume ma ọ bụ ihe anaghi eku
ume. Ihe kpalitere nchọcha a bụ na o nwebeghi ebe nwa nchọcha hụrụla e ji atụtụ ọwa echiche
mee nchọcha n’asịnilu. Ebumnobi nchọcha a bụ ịkọwa asịnilu, njirimara ya na ịchọpụta ọwa
echiche a ga-eji kọwapụta asịnilu ụmụ anụmanụ a họọrọ. Usoro nchọcha a bụ sọevee
kenkọwasị. E wetara ngwa ọrụ nchọcha a n’akwụkwọ ọgụgụ dị iche iche, ajụjụ ọnụ a
gbakwara ụfọdụ ndị mmadụ tinyere iji usoro nnọrọmele na ijikwa ọgụgụ isi dị ka ndị Igbo
chepụta ụfọdụ ngwa ọrụ. Atụtụ e jiri mee nchọcha a bụ atụtụ ndịna ncheke. Ka e mechara
ntụcha, e si na nkọwa asịnilu hụ ndịiche ya na ilu. Nchọpụta ọzọ bụ na e si n’agwara na
njirimara anụmanụ wube asịnilu e jiri anụmanụ ndị a tụọ nke mere na anụ a sị na ọ sịrị, naadị ka ọ sịrị ihe ahụ n’eziokwu. Ọzọ bụ na atụtụ nhụta kọwara ọwa echiche mfe atọ pụtara ihe
n’asịnilu e jiri mee nchọcha. Ha bụ ọwa ndịnime, ndịnike na ndịnụzọ. Nchọcha a ga-abara ndị
nchọcha, ndị nkuzi na ụmụ akwụkwọ uru. Maka nhịamahụ e nwetara n’ịtapịa ụfọdụ n’Igbo ka
nchọcha a ji atụ aro ka ndị nwere mmasị n’ịmụ asụsụ Igbo gaa n’ihu n’ iji atụtụ a mekwuo
nchọcha ka ihe ndị e merela na ya bawanyekwuo.

ILU METỤTARA NKWỤ NA AKWỤ N’ALA IGBO

2022-12-14T20:38:11+01:00

Ụmị edemede
Nkwụ bụ otu n’ime osisi ndị Igbo ji eme ọnụ. Nke a na-egosị na ọ bụ isi sekpụ ntị n’osisi e
nwere n’ala Igbo. Ọ bụ na nkwụ ka e si enweta akwụ e ji esi nri niile a na-esi n’ala Igbo. Ọ
bụ mkpa a akwụ na nkwụ dị kpalitere mmụọ nwa nchọcha ileba anya n’isi okwu a bụ “Ilu
Metụtara Nkwụ na Akwụ N’Ala Igbo”. Otu n’ime ebumnuche nchọcha a bụ ime ka a mata
na e nwere ilu Igbo ndị na-arụtụ aka na nkwụ na akwụ. Ebumnuuche nke abụọ bụ ịkpọsa
ilu ndị ahụ na-emetụta nkwụ na akwụ. Nke atọ bụ ime ka a mata mgbe e ji webata ilu ndị
a n’okwu Igbo. Atụtụ nchọcha bụ atụtụ njieme. Usoro nwa nchọcha ji eme nchọcha a bụ
usoro nkọwasị. Otu n’ime nchọpụta nchọcha a bụ na ilu Igbo gbasara agbasa ka ụkpaka.
Nchọpụta nke abụọ na-egosị na, site n’ilu Igbo, nkwụ na akwụ baara ndị Igbo ọtụtụ uru. A
chọpụtakwara na nchọcha a ga-abara ụmụ akwụkwọ, ndị nkuzi na ndị Igbo niile uru.
N’ikpeazụ, nwa nchọcha mejupụtara ebumnuuche ya site n’ime ka nwaafọ Igbo ọ bụla
mata na ilu Igbo bụ ihe metụtara akụkụ dị iche iche nke ọ bụ naanị onye chemiri echiche
ime ga-eji ya rụọ ọrụ. Na nchịkọta, nchọcha a ga-enyere ụmụakwụkwọ, ndị nkuzi, ọhanaeze
aka ịmata mkpa ilu dị na etu o siri metụta osisi ụfọdụ e nwere n’ala Igbo. Nwa nchọcha naatụ aro ka obodo ọ bụla dị n’ala Igbo jiri osisi ọ bụla ha nwere were kpọrọ ihe

MWEPỤ N’OLU ỌKA SITE N’USORO ỤTỌASỤSỤ NNWOGHARỊ

2022-12-14T20:49:52+01:00

Ụmị edemede
Nchọcha a nke isiokwu ya bụ “Mwepụ n’olu Ọka site n’usoro ụtọasụsụ Nnwogharị” bụ nke
lebara anya n’ụdị mwepụ dị iche iche na-apụta n’olu Ọka. Ihe kpalitere mmụọ nwa nchọcha
ileba anya n’isiokwu a bụ na e nwebeghi ọtụtụ nchọcha e merela n’isiokwu a mbụ. Ebumnobi
nchọcha a bụ iji lebaa anya ma tụpụta ụdị mgbanwe dị iche iche na-adapụta n’olu Ọka site
n’iji usoro ụtọasụsụ nnwogharị wee nyochaa ya. Ọzọ bụ ịchọpụta ka olu Ọka si ahazi
mkpụrụokwu na ndokọ okwu, ọ kachasị mgbe ọ na-ezipụta mwepụ mkpụrụasụsụ, mkpụrụokwu
ma ọ bụ nkebiokwu. Nchọcha a bụ nchọcha kesọvee, a gbasokwara usoro Atụtụ Ụtọasụsụ
Nnwogharị wee mee ya. Site na nchọcha a, a chọpụtara na mgbanwe pụtara n’olu Ọka dị ka o
si pụta n’olu Izugbe. A chọpụtakwara na ụfọdụ irighiri okwu dị na ndokọ omimi na-apụ na
ndokọ elu nke ahịrịokwu n’ihi nnwogharị nke ahịrịokwu ahụ gabigara. Nchọcha a ga-abara
ọtụtụ ndị uru, ọ kachasị ndị amụmamụ ụtọasụsụ Igbo. Nwa nchọcha na-atụkwazị aro ka e were
usoro ụtọasụsụ nnwogharị lebakwuo anya n’olu asụsụ Igbo dị iche iche iji bawanye ngwa
ọmụmụ asụsụ Igbo.

NGOSI OGE NDỊNAZỤ NA NDỊNIHU N’OLU IKWO

2022-12-14T20:57:53+01:00

Ụmị edemede
Asụsụ Igbo dị ka asụsụ mba ụwa nwere olumba dị iche iche ndị na-enye aka ikwalite ya. Olu
Ikwo bụ otu n’ime olumba dị n’asụsụ Igbo nke tara akpụ ma na-agbagwojukwa ọtụtụ ndị Igbo
anya. Ngosi oge bụ nkeji ngwaa dị mkpa n’ụtọasụsụ ma bụrụ nke kwesiri ka e leba anya na ya
n’olundị Igbo ụfọdụ nwere ndịiche pụtara ihe dị ka olu Ikwo. Ọ bụ ezie na e nweela ọtụtụ ihe
e derela gbasara ngosi oge mana e nwekebeghị nke e deerela n’olu Ikwo. Ọ bụ nke a kpaliri
mmụọ ọchọcha iji bagide edemede a. Ebumnobi nchọcha a bụ ịkọwa ngosi oge; igosi nzipụta
ngosi oge ndịnazụ n’olu Ikwo; iziputa ngosi oge ndịnihu n’olu Ikwo tinyere igosi myiri na
ndịiche dị n’etiti nke olu Ikwo na nke Igbo izugbe. Ọchọcha gbara mmadụ iri atọ ajụjụ ọnụ iji
nweta ihe a chọrọ banyere edemede a. A gbasoro usoro nkọwa wee zipụta ngwa nchọcha ma
tụchaa ha. Ọchọcha chọpụtara na olu Ikwo nwere ngosi oge ndịnazụ na ndịnihu mana nzipụta
ha dị iche na nke Igbo izugbe. Ọchọcha chịkọtara edemede a ma weta ya n’isi njedebe.

Ọmụmụ Asụsụ Igbo ka Ọ dị Taa n’Ụlọ Akwụkwọ dịgasị na Steeti Enugwu, Naịjirịa

2022-12-14T21:06:00+01:00

Ụmị edemede
Isiokwu nchọcha a bụ ọmụmụ asụsụ Igbo ka ọ dị taa n’ụlọ akwụkwọ dịgasị na Steeti Enugwu,
Naịjirịa. Ebumnobi nchọcha a bụ ile anya mara ihe a ga-eme ka ọnọdụ ọmụmụ asụsụ Igbo
gbanwee n’ọtụtụ ụlọ akwụkwọ dị na Steeti ahụ, ma nwee ike ịkwụrụ chịm dị ka ogbo ya ndị
ọzọ dị ka Awụsa na Yoruba. Ọzọ bụ ịmata ihe na-ebute ọdịda nye ya bụ asụsụ n’ụlọ akwụkwọ
ndị a. Atụtụ a gbasoro mee nchọcha a bụ atụtụ njirime. Nchọpụta gosiri na ụfọdụ ihe ndị naeso ebutere asụsụ Igbo ọdachi bụ ụfọdụ ndị nne na nna ugbu a. Ụfọdụ n’ime ha anaghị eji
asụsụ Igbo azulite ụmụ ha n’ezinaụlọ ha dị iche iche. N’aka nke bụ na ọtụtụ ụlọ akwụkwọna
steeti Enugwu, ọkachasị nke ndị nkịtị nwe anaghị akuzi asụsụ Igbo. Ụmụ amaala Igbo ufọdụ
enweghị mmasị n’isụ asụsụ Igbo na ọtụtụ ihe ndị ọzọ. Nke ka njọ bụ na gọmentị emeghizi ya
ka ọ bụrụ iwu na nwa amaala Igbo ọ bụla ga-eleleriri asụsụ Igbo n’ule Wayekị. Ụfọdụ ndị naakuzi ya, ejighị ya kpọrọ ihe. Ha anakwughị ekwe ka ụmụ akwkwọ sụọ Ịgbo na klasị. Onye sụọ
ya, a daa ya nra. Ha na-ahụtazị asụsụ Igbo dị ka nke ndị iti mpataka, na-amaghị ihe ọ bụla. A
gbasoro usoro sovee were mee nchọcha a. Ọchọcha tụpụtara aro ndị a: ndị Igbo niile ga-agba
mbọ jiri naanị asụsụ Ịgbo azụlite ụmụ ha karịa iji asụsụ Bekee. Gọọmentị etiti kwesiri ime ya
ka ọ bụrụ iwu na ụlọ akwụkwọ niile dị na Steeti Enugwu na kwa ala Igbo gbaa gburugburu ga
na-amụ asụsụ Igbo bido n’ọtaakara ruo na koleji. Ha kwesikwara ime ya ka ọ bụrụ iwu na
nwa akwụkwọ ọ bụla bụ onye Igbo nọ n’ụlọ akwụkwọ koleji na steeti Igbo, ga-eleleriri asụsụ
Igbo n’ule wayekị. Ndị mbipụta akwụkwo na ndị nta akụkọ ga-agba mbọ hụ na ha na-ebipụta
ma na-edepụta akwụkwọ na ozi ha n’asụsụ Igbo karịa n’asụsụ Bekee n’ihi na ebe onye bi ka ọ
na-awachi.

AKWAMOZU NWAỌKPỤ NA NNEWI N’OGE UGBU A: MGBANWE NA NSOGBU YA

2022-12-11T08:16:19+01:00

Ụmị edemede
Akwamozu nwaọkpụ bụ otu n'ime omenala e nwere na Nnewi nke e ji eme ka mkpụrụobi nwaọkpụ
nwụrụ anwụ laruo n'udo. Usoro akwamozu na Nnewi malitere n'oge gboo dịwa ire mana ọtụtụ
mgbanwe na nleghara anya batara na ya site n'ọbịbịa ụka Kraịst nakwa mmepe obodo. Mgbanwe
ndị a batara n'akwamozu nwaọkpụ mere ka ndị mmadụ leghara ụfọdụ mmemme a na-eme n'ime
akwamozu a anya, nke butere nsogbu dị iche iche dị ka ọnwụ ike, ajọ ọrịa, ndaghachi azụ n'ezinụlọ
dị iche iche nakwa nkewa na ịkpọ asị n’etiti ndị ụka Kraịst na ndị anaghị eje ụka Kraịst. Nke a
kpalitere mmụọ nwanchọcha ime nchọcha n'isi okwu a iji chọpụta kpọmkwem ihe na-ebute nsogbu
ndị a ma chọpụta ụzọ a ga-esi gbanahụ nsogbu ndị a. A gbasoro usoro sòvee wee mee nchọcha a.
A gbara ndị okenye asatọ nọ n'agbata afọ iri isii na iri asatọ ajụjụ ọnụ iji nweta ụsa dabara adaba.
E mekwara nnyocha agụmagụ iji chọpụta ihe ndị ọzọ kwugara maka nwaọkpụ, akwamozu nakwa
akwamozu nwaọkpụ. A chọpụtara na e nweela mgbanwe dị iche iche n'ihe gbasara ili ozu
nwaọkpụ, ịkwa ozu nwaọkpụ, na ibuna ngịga. Nchọcha a ga-abara ndị Nnewi nakwa obodo niile
gbara ya gburugburu uru iji ghọta ihe dị n'akwamozu nwaọkpụ ma gbanahụ ntaramahụhụ nwere
ike isi na ya pụta. Na nchịkọta, ndị Nnewi kwesiri ịkwa nwaọkpụ ha ọbụla nwụrụ anwụ dị ka
nkwenye na ekpemekpe ya si dị, ka udo, agamnihu na ịhụnanya wee dị n'obodo Nnewi

CLAY AS A MEDIUM OF SELF-EXPRESSION IN ART, AND ITS VALUE

2022-12-14T22:01:25+01:00

The study is focused on clay as a medium of self-expression, in art and its value. A brief and simple
explanation about clay is made, and also simple explanation about clay and its chemical contents
and qualities as a medium in clay modeling, also breaking the benefits down to the artist, children
and society as a whole making clay a very cheap and highly ceremonial for creative work medium
of self-expression. The objective of this write up is to educate people generally on the importance
of clay as a natural matter and substance for mankind in terms of creativity and other essential
usages of clay as a natural material. Secondly, the types of clay available and special qualities
attached to each, and most preferable clay to work with. Another is given a clear historical
understanding of clay to man and the background history and how we can indicate our natural
clay given land. Though the federal government, fourthly telling the members of public and
educating the society on how best to prepare and use clay for a good positive result. Lastly, making
clear the health importance of clay as a medium in clay in area of Arts and medicals. The research
methodology that will be adopted is basically historical and theoretical descriptive in nature. And
the theoretical frame work is also with some references and researches carried out from related
ideas but with some uniqueness attached to the research. Research finding of some researchers
will also be mentioned during this write up at a conclusive way of improving on our natural
resources on clay will be specified. The significance of the write-up research will prove and show
that a lot could be achieved from things like clay we got from our natural environment which tells
us that we already dwell and live in land full of milk and honey, and if possible producing bricks
and exporting bricks to other countries of the world.

Evaluating Totemism in Some Igbo Culture Areas as an African Belief System

2022-12-14T22:06:08+01:00

This work evaluates totemism in Igbo culture as an African belief system. The younger generation
is bereft of the knowledge of what totems are in Igbo culture because the missionaries that brought
Christianity in Igbo land termed her culture idol worshiping. As the Igbo culture is at its death
throes today because many of their belief systems have been sidelined by civilization, the
researcher wants to find out what totems really are and their functions in Igbo land. This study is
a qualitative research design, carried out in Igbo land. The area of study is totemism. The
population of the study was the Igbo. Simple random sampling was used to select the respondents.
Data were collected through oral interviews, and books related to the study were reviewed.
Functionalist Theory was employed in analyzing the data collected to prove that totems are
messengers of the Supreme Being and His healing agents to His people. Also, totems help the Igbo
people in shaping their moral lives. Now that Christianity is the order of the day, these totems
should be used for the preservation of the ecosystem and tourist attractions.

The Preliminary ODEZURUIGBO vol 5

2022-12-10T19:03:28+01:00

Nkọwa Jonal Odezuruigbo
Odezuruigbo bụ Jonal nke Ngalaba Amụmamụ Igbo, Afirika na Nzikọrịta Ozi,
Mahadum Nnamdị Azikiwe, Ọka. Aha a bụ okwu Igbo nke pụtara “Ihe jezuru
ebe niile”. Ude ya na-edezu na mba niile site na Gọọgụl na Ntaneetị. Nke a
mere na Jonal a, dị ka aha ya gosipụtara, metụtara mmadụ niile na mba niile.
Ebumnuche Jonal Odezuruigbo hiwere isi n’ime ka a mara na ọ dị mkpa iji
asụsụ Igbo depụta edemede nchọcha enyochara nke ọma. Nke a ga-enye aka
n’ịkwalite asụsụ Igbo, ma mee ka ọ na-eto eto. Ọ na-anabatakwa edemede e
dere na Bekee nke nakwa ewelite ogo asụsụ, omenala, amamihe, nsirihụ ụwa
na njirimara ndị Igbo. Nke a pụtara na ọ na-anabata edemede na atụmatụ ọbụla
metụtara ọdịmma ndị mmadụ, akụkọ ntọala, mmekọrịta mmadụ na ibe ya,
agụmagụ, ekpemekpe, omenala, agụmakwụkwọ, ọchịchị, nka na ụzụ, w.d.g.
Edemede na-adị n’Odezuruigbo nwere ike bụrụ edemede mmekọrịta zuru ụwa
ọnụ, nke mmụta si na ya ga-ewulite asụsụ Igbo. Ọ nwekwara ike bụrụ nke si
mba Eshia na Afrịka kpọmkwem, nke asụsụ Igbo ga-esi na ya nwee mmụta na
mbawanye amamihe. Onye amaghị, ibe ezi ya.
Edemede nchọcha a na-anabata n’Odezuruigbo bụ nke a kpachapụrụ anya, pịa
aka, lebamie ha anya n’ime, weteruo ha n’ogo edemede otu mmụta n’ụwa dum
na-eṅomi. Edemede ndị agafeghị n’anya agịga nnyocha, a ga-ezighachiri ha ndị
dere ha.
Mmebere edemede Odezuruigbo nwere ike ịdị ọtụtụ. Nke a na-egosi ụdị mmasị
na ntụkwasị obi ndị odee nwere na ya.
N’otu aka ahụ, okwu ọbụla na atụmaro ọ bụla e bipụtara n’Odezuruigbo bụkwa
nke ndị dere ha. Ọ bụghị nke Onye isi nhazi ma ọ bụ Onye mbipụta. Ọrụ Onye
isi nhazi jedebere n’ịhazi edemede. A na-ebipụta Jonal Odezuruigbo kwa afọ,
tụmadị ugboro abụọ n’afọ.
Onye isi Ngalaba/Onye Nhazi

Amụtaghị Nwa n’Alụmdi Na Nwunye n’Ala Igbo: Ọnọdụ ya n’Iduuazị A Họọrọ

2022-12-11T08:30:22+01:00

Ụmị edemede
Ọmụmụ bụ ọrụ na ngọzi pụrụ iche na-esite n’ Alụmdi na Nwunye apụta nke bụ otu ụzọ agbụrụ
si abawanye. Amụtaghị nwa bụ otu ihe na-eme alụmalụ ọ dị ka nke ihe ụtọ na-adịghị na ya,
nke a bụ n’ihi ọtụtụ ihe nhujuanya di na nwunye na-enweta n’aka mmadụ ọha obodo na tinyere
ka omenala. Ebumnobi nchọcha a bụ/ịchọpụta ihe ndị na-ebute ọnọdụ amụtaghị nwa, ọzọ
bụịchọpụta ụzọ ndị ahụ dị iche iche Amụtaghị nwa si ewetara di na nwunye ihe mgbu na
mmekpaahụ, ịchọpụta ụzọ a ga-esi gbochie nsogbu ọnọdụamụtaghị nwa na-eweta n’ alụmdi na
nwunye. A gbasoro usoro sọveee wee mee nchọcha a, ma were atụtụ usoro Ezinaụlọ nke Bowen
n’afọ 1950 wee nyocha akwụkwọ agụmagụ ndị a họọrọ; Onye Chi Ya Akwụtaghị na Otu Iko
mmanya M Ñụrụ Afọ Asaa. A chọpụtara na ihe ndị na-ebute ọnọdụ amụtaghị nwa na-abụ site
n’ekerechi, akparamagwa ọjọọ, na etozughị oke n’ihe ndị ahụ e ji abụ nwoke ma ọ bụ nwaanyị.
Nchọcha a zipụtakwara nsogbu dị iche iche amụtaghị nwa na-eweta n’ọnọdụ Alụmdi na
Nwunye, ma tinyekwa aro ka di na nwunye bi na ezinaụlọ nwee ike inwe mmasị ịkute nwa.
Nchọcha a ga-abara ndị ntọrọbịa, ọha mmadụ, ezinaụlọ niile kachasi ndị n’ọnọdụAmụtaghị
nwa uru site n’inye ntuziaka etu a gas-esi gbochcie nsogbu amụtaghị nwa.

Nzipụta na Ntulekọrịta Nkasụsụ Nwata Rie Awọ na Nwata Bulie Nna Ya Elu

2022-12-14T21:29:08+01:00

Ụmị edemede

STYLES AND IMAGERIES IN IGBO DRAMA TEXT: A STUDY OF ỌJAADỊLỊ AND NKE M JI KA

2022-12-14T21:46:04+01:00

Literature in its entirety is all about the use of language to create styles and imageries in an
artistic and appealing manner by a passionate creative artist. Styles and imageries are
products of language for literary ornamentation. The study aims at exploring the use of styles
and imageries by the authors whose works are under study to see how they have been able to
achieve aesthetics using these two elements of literature. At the back of the researchers’ mind
for embarking on this study is to bring the two selected Igbo drama texts to lime-light. The
literary theory adopted for analysis of the study is formalism. The main source of data for the
study came from Ọjaadịlị and Nke M Ji Ka written by Odunke Artists and G. I. Nwaozuzu
respectively, which collectively formed the population of the study. Others source of data for
the study includes library and internet sourced materials. At the end of the study, the
researchers observed that the two authors achieved success in their use of language which
helped them to articulate styles and imageries using the characters in their literary works. The
study would be of great value to the public, teachers, students, as well as researchers in styles
and imageries, hence adding to the wealth of knowledge in the study of this nature.